Өкінішке орай, бүгінде мұндай жағдайлар жиі кездеседі. Көліктерді өндіруде қолданылатын қазіргі заманғы материалдар әрдайым отқа төзімді емес. Өрт болған жағдайда бүкіл көлік бірнеше минут ішінде жанып кетуі мүмкін.
Автокөліктегі өрттердің алдын алу мақсатында Меңдіқара ауданының ТЖ бөлімінің қызметкерлері құқықтық тәртіп сақшыларымен бірлесіп кезекті рейд ұйымдастырды. Нұсқама барысында автокөлік иелеріне автокөліктегі қауіпсіздік ережелері туралы еске салды. Төтенше жағдайлардың алдын алу үшін, бірінші кезекте, автокөлікті техникалық жарамды күйде ұстау, автокөлік салонында темекі шегуден аулақ болу керектігі түсіндірілді. Өйткені, байқаусызда құлаған темекі тұқылы өртке әкелуі мүмкін. Жарамды өрт сөндіргіш болған жағдайда, нұсқаулықты оқып, оны қалай пайдалану керектігін білу керек.
Әңгіме соңында әр жүргізуші тақырыптық жадынама алды. Ал рейд нәтижесі бойынша барлығы 45 автокөлік құралы қаралды.
Автокөлік иелері бұл шараға түсіністікпен қарады. Өйткені, егер автокөлік жолда жанған болса, өрт сөндірушілерден көмек бірден келмеуі мүмкін, ал есеп кейде секундтарға кетеді. Бұл жағдайда жүргізушінің өртті өздігінен оқшаулауға немесе біреуге өмірлік көмек көрсетуге нақты мүмкіндігі бар.
Қостанай облысының ТЖД
Меңдіқара ауданының ТЖБ
