Аталмыш іс-шараға Қостанай қаласының негізгі ұйымдарының өкілдері қатысты: атап айтқанда Даму» кәсіпкерлікті дамыту қорының, Аграрлық несие корпорациясының, Қазақстан Халық банкінің мамандары.
Кездесуге қатысушылар мұндай кешенді тәсіл және бірден бірнеше қолдау операторларының болуы мемлекеттік көмек тетіктері бойынша жан-жақты түсіндіру жұмыстарын жүргізуге мүмкіндік бергенін атап өтті.
Іс-шара барысында аудан кәсіпкерлері несие алу шарттарына, кепілмен қамтамасыз ету талаптарына, жұмыс істеп тұрған бизнесті кеңейту және жаңа жобаларды, әсіресе ауыл шаруашылығы саласында іске қосу мүмкіндігіне қатысты сұрақтарын белсенді түрде қойды. Барлық қатысушылар толық және практикалық жауаптар алды, сондай-ақ ағымдағы бастамалар туралы пайдалы ақпаратпен танысты.
Қостанай облысы Кәсіпкерлер палатасының директоры Ренат Дәулетпаевтың айтуынша, тұрақты диалог және өзекті ақпаратқа қол жеткізу шалғай өңірлердегі іскерлік белсенділікті ынталандыру және олардың экономикалық өсуін қамтамасыз етудің негізгі факторлары болып табылады.
