Saqshy Qostanai

Олар аудан орталығында орналасқан Ыбырай Алтынсарин атындағы мемориалдық музейге барды. Аталмыш мұражай қызметкерлері тәртіп сақшыларына арнап кең көлемді экскурсия ұйымдастырды.

Экскурсия жүргізушісі – «Торғайдың Жангелдин мұражайлар кешені» мекемесінің әдістемешісі Меруерт Жақсылықова. Оның айтуынша, мұнда ағартушының жазған очерктері, хаттары мен ғалым қолданған қоңыраулар сақтаулы тұр. Осы мұражайдағы әр залдан өлкенің зиялы қауымы пір тұтқан Ыбырай бастаған ұстаздар тізбегінің екі ғасырға астасып жатқан өлшеусіз құнды ісін көруге болады.

–Мұражайдың құндылығы – Ыбырай Алтынсариннің Торғайда алғаш ашылған мектебінің орнына салынғаны. Мұражайға келушілерді қызықтыратыны да осы құндылығы. Экспонаттардың көбісі көшірме болғанымен, түсінетін адам үшін баға жетпес мұра. Жәдігерлердің бірі ертеде қолданған татар оқулығының түпнұсқасы, алғаш ашылған мектептің сызба жоспары және сол замандағы мұғалімнің мектеп формасы, Ыбырай Алтынсариннің жазған очерктері мен алғаш шығарылған қазақша газеттің қолжазба нұсқасының көшірмесі, Торғайдағы қолөнер училищесінің фотосуреті мен қазақ балаларын оқыту үшін әзірлеген үш сатылы оқу жүйесінің сызба нұсқасы осы мұражайда қойылға,-дейді Меруерт Жақсылықова.

Жас тәртіп сақшылары ұлы ұстаздың өмірінен өнеге болар тұстарын өздеріне түртіп алды. ОЛар үшін бұл іс-шара өте пайдалы болғаны рас. Аудандық полиция бөлімі бастығының орынбасары полиция майоры Алмас Мұқатовтың айтуынша, алдағы уақытта мұндай іс-шаралар көптеп өткізілмек.