Saqshy Qostanai

Ұйымдастырушылар басты назарды идеялардың практикалық тұрғыда қолданылуына аударды, сондықтан қазылар алқасының құрамына өңірдің бизнес-күн тәртібін қалыптастырып отырған сарапшылар кірді:

Надежда Костенюк — Қостанай облысы «Атамекен» кәсіпкерлер палатасының Адами капиталды дамыту бөлімінің басшысы;

Гүлнар Әбдібекова — Білім басқармасының бас маманы;

Галина Рубаник — «Хоум Кредит банк» АҚ өкілі.

Сарапшылар жобалардың өңір үшін өзектілігін, олардың экономикалық тиімділігін және коммерцияландырудың нақты мүмкіндіктерін бағалады.

Финалға Лисаков техникалық, Жітіқара политехникалық және Қостанай жоғары автомобиль көлігі колледжінің ең мықты командалары шықты.

Байқау қорытындысы:

🥇 1-орын: А. Ибралинова, К. Пронкевич, Н. Жүсіпова (Қостанай жоғары қазтұтынуодағы колледжі) — «Эко вкус» жобасы.

🥈 2-орын: Т. Хасенов (Қостанай жоғары қазтұтынуодағы колледжі) — «Археологический музей виртуальной реальности» жобасы.

🥉 3-орын: А. Андриянова (Лисаков техникалық колледжі) — «Огонёк» жобасы.

Барлық байқауға қатысушыларға сертификаттар, ал тәлімгерлерге алғыс хаттар табыс етілді.

Өткен стартаптар байқауы қостанайлық жастардың жұмыс істейтін бизнес-модельдерді құруға қауқарлы екенін тағы бір мәрте дәлелдеді. Қостанай облысының Кәсіпкерлер палатасы мен әлеуметтік серіктестер студенттік стартаптарға бұдан былай да қолдау көрсетуге және олардың аймақтық нақты бизнеске айналуына көмектесуге дайын екендіктерін растады.