Биылғы түлектермен және олардың ата-аналармен kostacademy.kz Instagram парақшасының тікелей эфирінде өткен онлайн кездесуде Қаазақстан Республикасы ІІМ Шырақбек Қабылбаев атындағы Қостанай академиясының бастығы Нұрлан Биекенов алдағы мемлекеттік емтихандардың ұйымдастырылуы мен шарттарын атап өтті.
Оқу орнының бастығы тікелей эфирдегі жүздесуде төтенше жағдайға байланысты академияда жүргізіліп жатқан жұмыстарға тоқталып, қазіргі кезде мемлекеттік емтихан алдындағы практикасын өткеріп жатқан түлектердің қорытынды аттестаттауға қатысты сұрақтарына жауап берді.
Атап айтқанда, Ішкі істер министрлігінің нұсқауына сәйкес, биыл мемлекеттік бітіру емтихандары қашықтықтан оқыту форматында өткізіледі. Ол базалық пәндер бойынша тестілеуден және бейінді пәндер бойынша онлайн режиміндегі ауызша емтиханнан тұрады.
Курсанттардың білімін объективті бағалау үшін емтихан қабылдау рәсіміне әкімшілік полиция және өзіндік қауіпсіздік саласының тәжірибелі қызметкерлері қатысып, бақылайтын болады.
Мемлекеттік емтихандарды қашықтық форматында ұйымдастыру аясында академияның атынан аумақтық бөліністерге ағымдағы жағдай ескеріле отырып, мерзімдері оңтайландырылған емтихандарды тапсыру кестелері жіберілген.
Оқу бітірушілердің емтихандарға дайындығын тиімді ұйымдастыру мақсатында академия «Құқық қорғау қызметі туралы» ҚР Заңына сәйкес қысқа мерзімді демалыс беруді ұсынды.
Онлайн шара барысында жалпы 50-ден астам сұрақ келіп түсті. Оның ішінде балаларының алдағы емтиханына уайымдайтын ата-аналардың, сондай-ақ, академияны тәмамдап жатқан Тәжікстан Республикасы азаматтарының салмақты сұрақтары да болды.
Академия бастығы ата-аналарды алаңдамауға шақырып, қорытынды аттестаттауда түлектің білімі кешенді түрде қаралатынын, яғни курсанттардың 4 жыл ішінде алған білімі мен білігі, тәртібі мен тәрбиесі де, бір сөзбен айтқанда, жалпы маман ретінде қаншалықты пісіп-жетілгені ескерілетінін түсіндірді. Ал Тәжікстан азаматтарына қатысты, қазіргі таңда сол елдің өкілдерімен келіссөз жүргізіліп жатқанын, оның да көп кешікпей оң шешімін табатынына сенімді екенін жеткізді.
Тікелей эфирдегі кездесудің соңында, академия бастығы төтенше жағдайға байланысты елімізде енгізілген талаптарды толық сақтағанда ғана мұндай сындарлы сәттерден сүрінбей өтуге болатынын байыптап, бірлесе еңбектенуге үндеді.
Өз кезегінде, академия басшылығымен және шығарушы кафедралардың оқытушыларымен онлайн жүздесуге қатысып, көкейлеріндегі сұрақтарына толымды жауап алғандары үшін түлектер ризашылықтарын білдірді.
Қостанай облысы Кәсіпкерлер палатасының алаңында облыс прокуроры Марат Сексембаевтың қатысуымен Өңірлік кеңестің кеңейтілген отырысы өтті.…
Филиал палаты предпринимателей в Наурзумском районе в очередной раз доказал свою эффективность. Благодаря вмешательству экспертов,…
В современных реалиях путь предпринимателя — это не только поиск ниши и клиентов, но и…
На площадке Палаты предпринимателей Костанайской области состоялось заседание Отраслевого совета по вопросам АПК. Одной из…
В Костанайской области состоялась масштабная общеобластная ярмарка вакансий. Особенностью мероприятия стал его целевой характер: помощь…
В Палате предпринимателей Костанайской области прошло заседание отраслевого совета по вопросам торговли. Темой встречи стал…
This website uses cookies.